Maaf banar nah karna hanyar ja kawa mamposting kisah waktu bamuludan di asrama putri. Sabujurnya undangan bamaulidannya handak jua diposting di blog. Tapi, karena suatu dan lain hal, kada taposting. Mulai aja gin lah kisah pas perayaan bamuludnya … ^.^v
Malam minggu, 21 Maret 2009, bertempat di asrama putri Pemerintah Kota Banjarmasin “Kayuh Baimbai”, FKMB mengadakan acara bamaulid Nabi Muhammad SAW 1430 H. Alhamdulillah sabuting pulang proker FKMB nang berhasil dilaksanakan. Sukses pulang!!

Banyak kakawalan nang datang. Selain bubuhan mahasiswa Banjarmasin, bamaulidan ini jua diumpati oleh bubuhan ORMADA Kalimantan Selatan dan mahasiswa Kalimantan Selatan nang studi di Malang. Acaranya rami! Apalagi mengingat di Malang jarang-jarang kawa manamui urang bamaulidan. Mana bubuhan panapakannya (batarbang) gin bubuhan papadaan. Asa dikampung tu pang jadinya.

Tarima kasih banyak tu pang lawan sabarataan nang mambantu kesuksesan acara bamaulid Nabi Muhammad SAW samalam tu.
Ustad Abbas …., Lc, M.Hi atas ceramah agamanya nang menyejukkan dan maulah nang mandangarakan semakin cinta lawan Rasulullah…
Bapak Husni “AMKS Mandastana” nang mambacaakan ayat suci Al-Qur’an…
Ibu kapala dinas pandapatan Kabupaten Malang atas bantuan nang diberikan…
Acil “Rindang Dandam” nang manyumbang wadai bahinti wan wadai balakatan (wadainya nyaman, Cil ai!)
Bubuhan panapakan nang bulan ini dapat job di beberapa acara bamaulidannya ormada Kalsel (he…)
Kakawalan nang datang ka acara bamaulidannya FKMB walaupun ditarik bayaran ^.^v
Tarima kasih jua wan bubuhan pengurus FKMB nang di tangah-tangah kasibukan kuliah tatap maluangakan waktu gasan manggawii proker FKMB dengan penuh semangat ^_^

Sukses terus gasan FKMB!!